Экоакция игілікке үндейді

Бұл жолы кесте бойынша саябақтарды абаттандыруға және көшеттерді суаруға кадр-әлеуметтік, сондай-ақ қаржылық блок қызметкерлері шықты.

Тобанияз ескерткішінің жанындағы саябақта қаражанбастықтар алдымен санитарлық тазарту жүргізді. Содан кейін жақында отырғызылған жас көшеттерді суаруға кірісті. Апта сайынғы күтім арқасында көшеттер сәтті тамыр алып, гүлдеді. Кадр-әлеуметтік және шаруашылық мәселелер бойынша мамандар жұмыстарды жауапкершілікпен атқарды.

Тарас Шевченко саябағында да сенбілік қарқынды жалғасты. ҚБМ қаржыгерлері алаңды кәсіби көгалдандырушылар сияқты баптап, арамшөптерден тазартып, гүлзарларды ретке келтіріп, көшеттерді суарды. Олар ұжымның сенбілікке дәстүрлі түрде шығатынын атап өтті. Бұл қоршаған ортаның тазалығына деген ұмтылыспен қатар қызметкерлерді әлеуметтік игі іске үндейді.